Dunyodagi eng uzun tilli it Ginness rekordlari kitobiga kiritildi

Bu qiziq

−

07 iyun 2023 visibility5533

AQSHning Luiziana shtatida yashovchi it dunyoda eng uzun tilga ega deb topilib, Ginness rekordlari kitobiga kiritildi. Bu haqda CNN xabar berdi.

Qayd etilishicha, Zoyey laqabli urg‘ochi itning tili 12,7 santimetrni tashkil etadi. Egalarining so‘zlariga ko‘ra, ular Zoyeyni 6 oyligida asrab olgan va itning tili tanasi bilan solishtirganda noan’anaviy tarzda uzunligini payqagan. Uch yoshli itning tili o‘lchab ko‘rilgach, rekord darajada uzun ekani ma’lum bo‘lgan.

Bu bo‘yicha Zoyeydan avvalgi rekord AQSHning Arizona shtatidagi ingliz Setteri zotidan Bisbi laqabli itga tegishli bo‘lgan. Uning tili 9,49 santimetr uzunlikka ega edi.

Shuningdek, mutlaq rekordchi Sent-Bernard zotli Mochi laqabli itning tili 18,58 santimetr bo‘lgan. Mochi besh yil davomida bu bo‘yicha tengsiz bo‘lib kelgan va 2021 yilning noyabrida vafot etgan.

Maqola muallifi